O campo visual é a porción de espazo que pode abarcar un ollo permanecendo inmóbil e fixando un punto que forme a súa imaxe na mácula. Representa a proxección no espazo da retina sensible, como unha “illa de visión”, que representa a sensibilidade visual. A zona correspondente á fóvea central é a máis sensible, e vai diminuíndo cara a periferia. Polo xeral, para o seu estudo empléase tanto a perimetría cinética Goldmann, como a campimetría computadorizada, anque como exploración inicial rápida pódese utilizar tamén a perimetría de confrontación.